Ардагер ұстаз- Теміртас Рамазанұлы

Ардагер ұстаз- Теміртас Рамазанұлы

Тың ардагері, еңбек ардагері Ұлы Отан соғысының 2 рет медалімен және тың игерудің 25 жылдық медалімен мақтау грамотасының иегері. Кеңес ауылының тұрғыны, зейнеткер аға-ұстаз Жетпіс немересі Теміртас Рамазанұлы.

1934 жылы маусым айында ұстаздың отбасында дүниеге келген екен. Әкесі Жетпісұлы Рамазан ұстаз болған кісі. Ол кісі 1939 жылы ұстаздар арасында Спандияр Көбеев екеуі Қазақстан И.В Сталин мен М.Д. Калин көсемінде ақсақалдан бірінші болып «Еңбек Қызылту» орденімен марапатталған. Екінші рет 1950 жылы тағы да «Еңбек Қызылту» орденімен марапатталады. 1941 жылы 22 қараша айында Отан қорғау сапарына аттанып 1944 жылы 18 жерден жаралы болып елге оралады. 1970 жылы 73 жасында дүниеден өтеді.

Теміртас Рамазанұлы 1941 жылы 1 қыркүйек айында Қызылту бастауыш мектебіне 1 сыныпқа (орысша)барады. Әкесі соғысқа кеткеннен кейін ауылда туыстары болмағандықтан туған жері Еңбек ауылы Сталин ауданынан Ақмола облысы әкесінің ағасы көшіріп алады. Ол кезде 7 жаста едім – дейді атамыз  өз сөзінде. 

       Ауылдан разъезд 1-2 шақырым еді, сонда да жаяу барып оқуыма тура келді. Ауылдан жалғыз болдым. Сонымен 1 сынып орысша бітірдім де әрі қарай оқуды жалғастыруға мүмкіндік болмай, оқуға бармай қойыпты. Соғыс уақыты аш-жалаңаш өмір сүруге тура келді. Ол жылдары мен секілді жастардың жағдайы соншалықты бола қойған жоқ. Ел азаматтары соғысты, барлық жұмыс ауыртпашылық апа, әкелеріміз бен жас жас жеткіншектердің қарашағында болды. (соқамен жер жырту, шөп шабу, өз ат машинасымен біздер 9-10 жастағы балалармен бірге еңбек еттік)  деп ауыр күрсінеді ақсақал. 

1944 жылы сәуірде әкесі соғыстан оралып, Қызыл-ту ауылына ұстаздық еңбек етіпті. Бастауыш сыныпты сол ауылдан бітіріп 7 жылдықты Өрнек мектебінде интернатта 1950 жылы тәмамдаған екен.

1950-51 оқу жылында 8 сыныпқа Ақмола қаласы Сталин атындағы №2 интернатта 1 тоқсан оқып, Кеңес орта мектебінде 11 сыныптан бастап, интернатта тұрып оқыған екен.

1952-53 оқу жылында 9 оқушы Кеңес орта мектебін бітіріп аттестат (алтын медаль) алыпты. Бірінде осы 9 сыныптасынан 2 кісі ғана қалыпты. Жүнісова Төкен Исатайқызы 85 жаста қазір Ақкөлде тұрады. Сосын мен – дейді кейіпкер қалың ойға шомып....

Ал ұстаздың жасы 1935 басталады. “Бұл менің балалық шағымның армандаған арманым еді”. Әкем ұстаз болғандықтан болар. Бірақ өмірдің өз соқпақтары болады.

1985 жылға дейін әр салада еңбек жасадым (сауда орнында, ауыл шаруашылық саласында). Дегенмен балалық арман өз саласына тарта берді. 1965 жылы мектеп директоры Кеңес орта мектебінің Муканов Зейніл мені аудандық  оқу бөлімінің меңгерушісі Канышков Г.В алып барып сол мектепке жұмысқа жіберуін өтінді. Ол кездері мектептің жанында интернат болатын (Алексеевка,  Макинка, Шортанды) осы үш ауданнан келген оқушылар тәрбие алатын 60 шақты оқушысы бар сол интернатқа тәрбиеші болып орналастым. Тәрбиеші бола жүріп 5-10 сыныпқа дейін қазақ тілінен сабақ беріпті (орыс сыныптарына) және қосымша 5-10 сыныптарға. 1980-81 оқу жылында интернат жабылған соң тарих пәнінен сабақ береді. Сонымен қатар мектеп директорының шаруашылық жөнінде орынбасары болып 1994 жылы зейнеткерлікке шығады. Бүгінде 90-нан  асқан Теміртас ата жолдасы Мұздыбаева Асия Абдрахманқызы екеуі 8 бала өсіріп, 9 немере 6 шөбере сүйіп тәрбиелеп отырған жайы бар. Осы жасқа келуіне зор еңбек етіп отырған жан жолдасы Әсияға ұзақ өмір, зор денсаулық тілеймін. Сонымен қатар Кеңес орта мектебінің ұстаздар ұжымына көп-көп рахметімді білдіремін. Қандай да бір іс-шара өткізсе, мерекелік концерттерге ұмытпай шақырып сыйлап отырғаны үшін алғысым өте көп – дейді Теміртас атамыз.

   Қазіргі қазақ тілі мен әдебиеті пәні мұғалімі Аскенова Гүлжанар Есламбекқызы жас маман болып келген сәтте, Теміртас Рамазанұлы  атамыз қазақ тілі сыныбына,Ыбырай Алтынсариннің суреті бейнеленген кілемшені сыйға тартты.Бүгінгі күні қазақ тілі кабинетінде ілініп тұр.

Теміртас атамызға зор алғыс білдіреміз. Денсаулығы мықты болып, ұзақ ғұмыр тілейміз. Ұстаздар күні мерекесімен құттықтаймыз!

      Сұхбат алған қазақ тілі мен әдебиеті пәнінің мұғалімі: Аскенова Г.Е