«Алтын күз, әсем айналам, Еліне береке
сыйлаған»
Жүргізуші: Қарсы алайық бәріміз,
Жасымыз бен кәріміз.
Қырдан кепті қыдырып,
Алтын
күз бізге нұр төгіп.
Тілегім аман болсын ел іргесі,
Алтын күз қайта келді берекесі.
Молшылықтың жаршысы бола білді,
Алтын күз-ырыс, береке, бірлік ала келді.
Армысыздар құрметті ұстаздар мен ата-аналар, қадірлі қонақтар! «Алтын күз,
әсем айналам, Еліне береке сыйлаған» атты ертеңгілігімізге қош келдіңіздер!
Би: Құрманға кел.
Жүргізуші: Балалар, бүгін
барлығымыз күз мерекесіне жиналдық. Қонақтар да келді. Бірақ біздің
мерекеге біреу жетіспейді.Сендер білесіндер ме ол кім?
Балалар: Ол Алтын күз.
Жүргізуші: Ендеше Алтын күзді ортаға
шақырайық.
Бірге: Алтын күз, алтын күз!
Алтын күз: Сәлеметсіндер ме, балалар!
Балалар: Сәлеметсіз бе, Алтын күз!
Алтын күз: Береке бақ дарыған,
Жомарт көңіл жарқын жаз.
Сары алтынға малынған,
Алтын
күз деген мен болам. Армысыздар , құрметті қонақтар, кішкентай бүлдіршіндер!
Мен мерекеге кешігіп қалдым ба?
Балалар: Жоқ.
Алтын күз: Балалар, сендерді
көргеніме қуаныштымын. Мен сендерге бір жұмбақ жасырайын.
Ағайынды бәрі
Шықса жасыл
Түссе –сары. Бұл не?
Балалар: Жапырақ.
Алтын күз: Дұрыс таптындар,
жарайсындар!
Жүргізуші: Алтын күз, біздің балалар күз
туралы өлен, тақпақтар біледі. Сіз жәйланып отырып, балалардың өнерін
тамашалаңыз.
Альбина:
Қуаныштың ағайын,
Қоңырауын қағайын.
Қуандырып біздерді,
Өлкемізге күз келді.
Еркебұлан:
Астық жеміс жиылды,
Қамбамызға құйылды.
Ардақты күз мың алғыс,
Алдық өнім сыйынды.
Сымбат:
Өнім үйіп тастадық,
Оқуды да бастадық.
Берекелі алтын күз,
Ашық болсын аспаның
Нұрхан:
Берекесін сыйлауға,
Өлкемізге күз келді.
Жемістерін жинауға,
Шақырады біздерді.
Қарақат:
Ұшты
талдан жапырақ,
Сары
көбелек секілді.
Аспанда жай шатырлап,
Тамшы жерге секілді.
Ескендір:
Күн шуаққа маужырап,
Жатыр еді атырап,
Ағаштардан жамырап,
Ұшты кенет жапырақ
Зарина:
Қуандырып біздерді,
Мерекелі күз келді.
Кел жемісті алтын күз,
Кемелденсін халқымыз.
Гаусар:
Кездескен сон күзімен ,
Бұтағынан үзілген,
Ай жапырақ-сары алтын,
Айналаның бәрі алтын.
Аяжан:
Қара бұлт қабағын түйеді,
Бұталар боз қырау киеді
Осы ма, осы ма күз деген
Бақшаға баратын бізбенен.
Нұрсат:
Гүл жайнаған даланың,
Жапырағы солыпты,
Таңырқадым, Қарадым,
Танымастай болыпты.
Әдемі:
Жүзім, алма жинаймыз,
Алтын мақта тереміз,
Үлкендерді сыйлаймыз,
Көмектесе береміз.
Айлин:
Айнала сары ала,
Қырманға дән тола,
Жемістер пісіпті,
Қоймаға түсіпті.
Жүргізуші: Ән салыңдар күліңдер
Жайнап гүлдей жүріңдер
Күздің тойын тойлайық
Би билейік, ойнайық.
Ән: «Кап-Кап, тук-тук» қабыл алыңыздар!
Алтын күз: Бәрекелді, керемет!
( Осы кезде әуен ойналып Саңырауқұлақ саясында ертегісі
басталады.)
Автор:
Бір күні Құмырсқа жаңбыр
астында қалды. Қайда тығылуға болады? Қараса, алқапта кіп-кішкентай
саңырауқұлақ өсіп тұр екен. Жүгіріп барып саңырауқұлақтың әдемі қалпақшасының
астына тығылды. Жауын сіркіреп жауып тұр.
Бір кезде қанаттары суланып, әрең ұшып Көбелек келеді:
Көбелек: Құмырсқа, құмырсқа! Үстім су болды, ұша алмаймын.
Санырауқұлақтың астына мен де тығылайыншы!
Құмырсқа: Мен сені қайда кіргіземін!? Өзім де әрең сиып тұрмын.
Көбелек: Түк те етпейді, көңіліміз кең болса, бәріміз сиямыз!
Құмырсқа: Жарайды көбелек, екеуміз сиямыз.
Автор: Жаңбыр тіпті қатты жауа бастады. Осы кезде
саңырауқұлақтың қасына ентігіп жүгіріп тышқан келеді.
Тышқан: Кіргізіңдерші мені! Үстім су болды.
Құмырсқа: Сені кайда кіргіземіз?
Көбелек: Көрмейсің бе, өзімізге де орын жетпей тұр.
Тышқан: Қысылып көрейікші.
Автор: Үшеуі саңырауқұлақтың астына тығылды. Саңырауқұлақтың
қасына секіріп торғай келді.
Торғай: Қанаттарым су болды, шаршадым. Жаңбыр біткенше
саңырауқұлақтың астына кіруге бола ма? Үстімді кептіріп алайыншы.
Көбелек: Орын жоқ қой, сені қайда кіргіземіз?
Торғай: Өтінемін, жылжып көріңдерші!
Құмырсқа: Жарайды, кіре ғой!
Автор: Құмырсқа, Көбелек, Тышқан жылжып, саңырауқұлақтың астына
Торғайды да кіргізді.
Алқапқа осы арада ырғып шыққан Қоян саңырауқұлақты көріп
айқай салды.
Қоян: Құтқарыңдар! Менің артымнан Түлкі қуып келе жатыр, қай
тесікке тығыламын, қай жерге жасырынамын? Көмектесіңдер!
Көбелек: Тағы қысылысып көрейікшіғ, Қоянның түрі сондай аянышты!
Автор: Қоян да тығылып үлгерді, дәл сол кезде Түлкі жүгіріп
келді.
Түлкі: Осы жерде Қоян тығылып тұрған жоқ па?
Бәрі: Жоқ көрмедік.
Автор: Түлкі саңырауқұлаққа жақындап, тұмсығымен түрткілеп иіскей бастады.
Түлкі: Осы жерде Қоян тығылып тұрған жоқ па?
Көбелек: Ол бұл жерде қалай тығылады, өзіміз зорға сидық!
Автор: Түлкі сары құйрығымен әрі- бері бұлаңдатып кетіп қалды.
Жаңбыр осы кезде тоқтап күннің көзі жарқырай ашылды. Саңырауқұлақтың
астындағылардың бәрі қуана- қуана алқапқа жүгіре шықты. Құмырсқа ойланып қалды?
Құмырсқа: Ол қалай болды? Менің өзіме тар болды, ал бәрімізге орын
табылды, кішкентай жерге сыйып кеттік.
Көбелек: Көңіліміз кең болса, бәріміз де сиямыз.
Жүргізуші: Жарайсыңдар, балалар! «Алтын күз» енді біздің қыздарымыздың әсем биін тамашалаңыз.
«Қуыршақ» биі.
Алтын күз: Өте жақсы,әдемі
билейді екенсіңдер, рахмет сендерге қыздар. Қандай керемет! Қандай ақылды
балаларсыңдар!
Жүргізуші: Енді әсем әнімізді қабыл
алыңыз!
«Қарлығаш» әні
Жүргізуші: Бүлдіршінмен
бәріміз,
Отбасындай бір ұямыз
Береміз ендеше
Би өнеріне кезегін.
Ортада бір топ бүлдіршіндерімізді
қошеметтеп қарсы алайық.
«Көкөністер
мен жемістер» биі
Адия:
Менің атым-қызанақ,
Тұзды сеуіп молырақ.
Банкілерге салыңыз,
Аузын мықтап жабыңыз.
Тағамға дәм қосамын,
Қыста тәбет ашамын.
Роллан:
Мен – шиемін, шиемін,
Күннің көзін сүйемін.
Қажеттімін адамға.
Оны жақсы білемін.
Данияр:
Мен-қиярмын, сәндімін,
Салаттардың сәнімін.
Дәруменім мол менің,
Жегенге қуат сыйлаймын!
Адель:
Таңдандырар бәрін
Асқабақпын дәмді
Кептірілген дәнім
Таптырмайтын дәрі!
Ибрагим:
Ең тәтті зат секерді,
Қызылшадан алады.
Денсаулыққа пайда деп,
Қызылшаны айтады.
Ал балақай біліп қой,
Қызылшамын пайдалы.
Алуа:
Мен алмұртпын,алмұртпын
Аузындамын бар жұрттың.
Әліби:
Мен сәбізбін, сәбізбін
Ұзын қызғылт боламын
Мені қоян көргенде
Мәзі болады секілдеп
Бекжан:
Мен өрікпін, өрікпін
Табиғатқа көрікпін.
Айнара:
Мен жүзіммін, жүзіммін.
Моншақ болып тізілдім.
Айана:
Мен алмамын, алмамын,
Балдай тәтті бар дәмім.
Иса:
Мен жүзіммін, жүзіммін.
Моншақ болып тізілдім.
Манат:
Мен өрікпін, өрікпін,
Дәміммен тәтті еліттім.
Сүйіктімін сәбилерге,
Айтпасам да бөліп тым.
Елнұр:
Мен-алмамын, алмамын,
Таңдандырар бал дәмім.
Пісіп толдым, мінекей!
Баптап ерек бағбаным.
«Алтын күз» өленің тамашалыныздар
Жүргізуші: Алтын күз, балалардың
өнерлері ұнады ма?
Алтын күз: Рахмет, балалар, маған мереке
қатты ұнады. Ал енді менің орманға баратын
уақытым болды
Берекелі бақ-дәулет,
Арта түссін тойланып.
Сау болындар, балалар,
Келгенше жыл айналып
Ал, тәрбиеші апай,
менің балаларға әкелген сыйлығым бар еді. Мен соны сізге берейін балаларға
таратып берінізші.
Жүргізуші: Балалар,
Алтын күзге рахмет айтайық!
Құрметті қонақтар, ата-аналар бүгінгі
«Алтын күз, әсем айналам, Еліне береке сыйлаған» -атты ертеңгілігімізді аяқтай
отырып, күз берекелі, астықты болсын демекпіз.
Шағын орталығының әдіскері: Ахметкалиева К.Б